Roberto Martines Portuqaliya millisinin baş məşqçisi təyin olunub

Roberto Martines Portuqaliya millisinin baş məşqçisi vəzifəsinə təyin olunub.

“Report” xəbər verir ki, bu barədə Portuqaliya Futbol Federasiyası (FPF) açıqlama yayıb.

Qurumun mətbuat xidmətindən bildirilib ki, 50 yaşlı ispaniyalı mütəxəssislə müqavilə imzalanıb.

Qeyd edək ki, Roberto Martines 2022-ci ildə Qətərdə keçirilən dünya çempionatından sonra Belçika yığmasının baş məşqçisi postundan istefa verib.