Rusiya millisinin baş məşqçisi istefaya göndərildi

Stanislav Çerçesov Rusiya milli komandasının baş məşqçi postundan istefaya göndərilib. "Report"un məlumatına görə, Rusiya Futbol İttifaqı (RFS) və baş məşqçi qarşılıqlı razılığı əsasında belə qərar qəbul edilib.

Tezliklə RFS komandanı DÇ-2022-nin seçmə oyunlarına hazırlayacaq baş məşqçi axtarışlarına start verməlidir.

Qeyd edək ki, Rusiya millisi AVRO-2020-nin B qrupunda 3 xalla 4-cü yeri tutub və 1/8 finala yüksələ bilməyib. Qonşu ölkə yığması Finlandiyanı 1:0 hesabı ilə yensə də, Belçikaya 0:3, Danimarkaya isə 1:4 hesabı ilə uduzub.