Rusiya millisinin sabiq futbolçusu 40 yaşında öldü

Rusiyanın U-21 yığmasının və MOİK klubunun sabiq futbolçusu Sergey Rodin dünyasını dəyişib.

"Report" xəbər verir ki, bu barədə məlumatı futbol agenti Aleksey Safonov tvitter hesabından paylaşıb.

40 yaşlı veteran yarımmüdafiəçinin ölümünün səbəbi açıqlanmayıb.

Qeyd edək ki, Sergey Rodin MOİK-lə yanaşı, ölkəsində "Kuban", "Anji" və "Sokol" klublarının da formasını geyinib.