Serxio Ramos PSJ ilə anlaşdı

Ötən mövsümün sonunda İspaniyanın "Real Madrid" futbol klubundan ayrılan Serxio Ramos karyerasını PSJ-də davam etdirəcək.

"Report" "Le Parisien"ə istinadən xəbər verir ki, tərəflər artıq müqavilə şərtlərində ortaq məxrəcə gəliblər.

Daha əvvəl 35 yaşlı müdafiəçinin Paris təmsilçisi ilə 2023-cü ilin yayınadək sözləşmə imzalayacağı bildirilib.

Qeyd edək ki, Sexio Ramos geridə qalan mövsümdə "kral klubu"nun heyətində 21 oyun keçirib və 4 qol vurub.