"Sumqayıt" klubuna yeni vitse-prezident təyin olunub

"Sumqayıt" Futbol Klubuna yeni vitse-prezidenti təyin olunub.

"Report" "gənclik şəhəri" təmsilçisinin rəsmi saytına istinadən xəbər verir ki, 48 yaşlı Aydın Xəlilov bu vəzifəni icra edəcək.

O, fevralda xərçəng xəstəliyindən dünyasını dəyişən Vaqif Ömərovu əvəzləyib.

Qeyd edək ki, Aydın Xəlilov 1973-cü il avqustun 10-da anadan olub. Sumqayıt Dövlət Universitetinin məzunu olan funksioner həm də “Azərikimya” İB-nin Həmkarlar İttifaqının sədridir.