Türkiyə millisinin futbolçusu Rusiya Premyer Liqasının tarixinə düşüb

MOİK klubunun futbolçusu Yusuf Yazıcı Rusiya Premyer Liqasındakı rekordu təkrarlayıb.

"Report"un məlumatına görə, 25 yaşlı yarımmüdafiəçi buna "Rubin"ə qarşı XXII tur oyununda fərqlənməklə nail olub.

Qarşılaşmada het-trik edən türkiyəli oyunçu Rusiya çempionatında meydana çıxdığı ilk dörd matçda qol vurmağı bacarıb. Türkiyə millisinin üzvü tarixdə bunu bacaran üçüncü futbolçudur.

Daha əvvəl 1992-ci ildə "Okean" komandasından Oleq Qarin, 2000-ci ildə isə "Spartak"dan Andrey Ştoltsers buna müvəffəq olub.

Qeyd edək ki, görüş MOİK-in 6:1 hesablı qələbəsi ilə yekunlaşıb. Müqavilə ilə Fransa "Lill"inə məxsus olan Yusuf Yazıcı icarə əsasında Moskva təmsilçisində çıxış edir.