UEFA reytinqi: Azərbaycan millisi ili 6-cı pillədə başa vurdu

UEFA futzal üzrə milli komandaların 2020-ci il üçün sonuncu reytinq cədvəlini açıqlayıb.

"Report"un məlumatına görə, hesabında 1990 xal olan Azərbaycan millisi altıncı pillədə qərarlaşıb. Joze Alesio Da Silvanın baş məşqçi olduğu komanda ötən illə müqayisədə bir pillə geriləyib.

Turnir cədvəlinə 2209 xalla İspaniya millisi başçılıq edir. Portuqaliya 2116 xalla ikinci, Rusiya isə 2098 xalla üçüncü sırada yer alıb.