Ukrayna millisinin yeni baş məşqçisi açıqlanıb

Futbol üzrə Ukrayna millisinin yeni baş məşqçisi açıqlanıb.

"Report" Ukrayna Futbol Assosiasiyasının rəsmi saytına istinadən xəbər verir ki, komanda Aleksandr Petrakova tapşırılıb.

64 yaşlı mütəxəssisin müqaviləsinin detalları açıqlanmayıb. O, bu postda Andrey Şevçenkonu əvəzləyib. Petrakov komandanı 2022-ci il dünya çempionatının seçmə mərhələ oyunlarına hazırlayacaq.

Qeyd edək ki, Aleksandr Petrakov daha əvvəl Ukraynanın aşağı yaş qrupları üzrə yığmalarına rəhbərlik edib.