"Zirə" əvəzedici komandasını bərpa etdi

"Zirə" klubunun əvəzedici komandası 2021/2022 mövsümündə I Divizionda çıxış edəcək.

"Report" paytaxt təmsilçisinin rəsmi saytına istinadən xəbər verir ki, komandaya Azər Məmmədov baş məşqçi təyin edilib.

Köməkçi-məşqçi funksiyasını isə Hacı Əhmədov yerinə yetirəcək.

Qeyd edək ki, daha əvvəl "Səbail" klubu əvəzedici komandasını bərpa edib. Hər iki klub 2020/2021 mövsümündə I Divizionda iştirak etməyib.