Bakı-Quba yolunun 120-ci km-də, Şabran rayonundan keçən hissəsində avtoqəzada bir ailənin 3 üzvü xəsarət alıb.
"Report"un Şimal bürosunun məlumatına görə, "Opel" markalı avtomobillə "Hyundai Sonata" markalı avtomobil toqquşub.
Qəza nəticəsində "Opel"in sürücüsü, 1968-ci il təvəllüdlü Bayram Cəlal oğlu Həsənov, həyat yoldaşı, 1975-ci il təvəllüdlü Samirə Şamil qızı Əliyeva və oğlu, 1993-cü il təvəllüdlü Fariz Bayramoğlu müxtəlif dərəcəli xəsarətlərlə Şabran Rayon Mərkəzi Xəstəxanasına çatdırılıblar.
Samirə Əliyevanın vəziyyəti ağır olduğundan Sumqayıt şəhərindəki xəstəxanaların birinə göndərilib.
İlkin məlumata görə, hər iki avtomobil Bakı şəhəri istiqamətinə hərəkətdə olublar.
Faktla bağlı araşdırma aparılır.
![](https://static.report.az/photo/a949294a-f390-3075-bf1b-d01e48518e08_300.jpeg)
![](https://static.report.az/photo/fee18052-54e4-3553-aaef-81b20c8dcb32_300.jpeg)
![](https://static.report.az/photo/3681f985-7a72-318f-93f2-9384b47553ad_300.jpeg)
![](https://static.report.az/photo/b602dc9f-ca97-305e-b928-1b531ad8f51a_300.jpeg)
![](https://static.report.az/photo/5f8cc918-9bcf-3285-83b8-d9012898b3bb_300.jpeg)