Binəqədidə zəncirvari yol qəzasında iki qardaş xəsarət alıb

Bakıda xəsarətlə nəticələnən yol-nəqliyyat hadisəsi baş verib.

"Report"un məlumatına görə, hadisə Binəqədi rayonunda qeydə alınıb. Belə ki, rayon ərazisində 3 avtomobil toqquşub. Hadisə nəticəsində avtomobillərdən birində olan 25 yaşlı Nəcəf Hacılı və qardaşı (adı dəqiqləşdirilir-red) xəsarət alıb.

Yaralılar təcili tibbi yardımın köməkliyi ilə xəstəxanaya çatdırılıb.

Hadisənin təfərrüatı araşdırılır.