Göyçay rayonunda 4 avtomobil toqquşub, xəsarət alanlar var.
"Report"un Yuxarı Şirvan bürosu xəbər verir ki, Göyçay şəhərinin Heydər Əliyev prospektində "VAZ-2107" və "Mercedes" markalı minik avtomobilləri toqquşub.
Nəticədə zərbənin təsirindən hər iki avtomobil yol kənarında dayanmış "Hyundai" və "VAZ-2104" markalı avtomobillərə çırpılıb. Hadisə zamanı rayon sakini, 2002-ci il təvəllüdlü Bəkirov Anar Əlikram oğlu xəsarət alıb. Yaralılar Göyçay Rayon Mərkəzi Xəstəxanasına aparılıb. Digər xəsarət alanların adları dəqiqləşdirilir.
Faktla bağlı araşdırma aparılır.
![](https://static.report.az/photo/75f2035d-9715-3bfd-9184-7e398b9da1cc_300.jpg)
![](https://static.report.az/photo/6bb2c5ad-22a2-33c0-9cd4-1843db2a2099_300.jpg)
![](https://static.report.az/photo/a1af8899-e384-38f9-bcc1-a9d53aa71cde_300.jpg)
![](https://static.report.az/photo/643953f2-5f9d-3d1b-a19c-2425a60f03ff_300.jpg)
![](https://static.report.az/photo/733224e1-76b5-34ce-a6a5-90ba7a1313c9_300.jpg)
![](https://static.report.az/photo/042b80dd-4cbd-3909-9ce4-ee709b4d0300_300.jpg)