Göyçay rayonunda iki nəfərin xəsarət alması ilə nəticələnən yol nəqliyyat hadisəsi olub.
"Report"un Yuxarı Şirvan bürosu xəbər verir ki, hadisə Bakı-Şamaxı-Yevlax yolunun Göyçay şəhərindən keçən hissəsində baş verib.
Belə ki, "Toyota Prado" və "VAZ-2106" markalı minik avtomobilləri toqquşub.
Hadisə zamanı rayon sakinləri, 1993-cü il təvəllüdlü Eminov Vasif Maarif oğlu və 2004-cü il təvəllüdlü Mirzəliyev Vüsal İlqar oğlu xəsarət alıblar.
Yaralılar təcili tibbi yardım avtomobili ilə Göyçay Rayon Mərkəzi Xəstəxanasına aparılıb.
Faktla bağlı araşdırma aparılır.
![](https://static.report.az/photo/e8f52fba-e978-3bb9-8997-59a5ec3293b7_300.jpg)
![](https://static.report.az/photo/426f373e-efd3-381f-a9ba-712ea76215f3_300.jpg)