Hacıqabulda yol qəzası olub, ölən və yaralananlar var

Hacıqabul rayonunda ölüm və xəsarətlə nəticələnən yol-nəqliyyat hadisəsi baş verib.

“Report”un Aran bürosunun məlumatına görə, hadisə Bakı-Qazax magistralının rayon ərazisindən keçən hissəsində qeydə alınıb.

Yol qəzası zamanı Bakı şəhər sakini, 1980-ci il təvəllüdlü Məmmədli Həlimə Rafiz qızı və Əliyeva Xəyalə Arzu qızı müxtəlif dərəcəli xəsarətlər alıb.

Hadisə nəticəsində Bakı şəhər sakini, 2016-cı il təvəllüdlü Musazadə Emil Elməddin oğlu isə ölüb.

Faktla bağlı araşdırma aparılır.