Hacıqabulda yük maşınları toqquşub, ölən və xəsarət alan var

Hacıqabulda ağır yol qəzası zamanı 1 nəfər ölüb, daha bir nəfər yaralanıb.

“Report”un Aran bürosunun məlumatına görə, hadisə Qarasu kəndində qeydə alınıb.

Belə ki, “KamAZ” digər yük maşını ilə toqquşub. Qəza nəticəsində Bərdə rayon sakini, 2000-ci il təvəllüdlü Tahirli Nurlan İlham oğlu hadisə yerində ölüb, daha bir nəfər isə (şəxsiyyəti dəqiqləşdirilir - red) xəsarət alıb.

Faktla bağlı araşdırma aparılır.