Kürdəmirdə yanğın hadisəsi baş verib

Kürdəmirdə yanğın olub.

“Report”un Yuxarı Şirvan bürosu xəbər verir ki, hadisə Mollakənd kəndində qeydə alınıb.

Rayon sakini Ağayev Elçin Şirvan oğluna məxsus ümumi sahəsi 288 kv metr olan fermanın çardağının 68 kv metr hissəsi və ot bağlamasının bir hissəsi tonu yanıb.

Hadisə yerinə Fövqəladə Hallar Nazirliyinin Kürdəmir Rayon Dövlət Yanğından Mühafizə Hissəsinin texnikası və canlı qüvvəsi cəlb olunub. Yanğın söndürülüb və alovun digər ərazilərə keçməsinin qarşısı alınıb.

Faktla bağlı araşdırma aparılır.