Kürdəmirdə yol qəzası olub, sürücü xəsarət alıb

Kürdəmir rayonunda yol qəzası baş verib.

"Report"un Yuxarı Şirvan bürosu xəbər verir ki, hadisə Bakı-Qazax yolunun rayonun Xırdapay kəndindən keçən hissəsində qeydə alınıb.

KİA markalı avtomobilin sürücüsünün idarəetməni itirməsi nəticəsində avtomobil yoldan çıxaraq aşıb. Hadisə zamanı sürücü xəsarət alıb.

Faktla bağlı araşdırma aparılır.