Lerikdə gənc qadın intihara cəhd edib

Lerikdə gənc qadın intihara cəhd edib.
“Report”un Cənub Mərkəzinin verdiyi xəbərə görə, 2000-ci il təvəllüdlü E.Ağalızadə qadın yaşadığı evin həyətindəki tövlədə intihar etmək istəyib. Lakin qohumları onu xilas edib.

E.Ağalızadə təcili yardım xidmətinin köməyi ilə Lənkəran rayon Mərkəzi Xəstəxanasına çatdırılıb. Gənc qadına beyninə qan çatışmazlığı diaqnozu qoyulub. Onun vəziyyəti ağır olaraq qalır.
Faktla bağlı araşdırmalara başlanılıb.