Naxçıvanda 14 tona yaxın yabanı halda bitən çətənə bitkisi məhv edilib.
Naxçıvan MR Daxili İşlər Nazirliyinin Mətbuat Xidmətindən "Report"un yerli bürosuna verilən məlumata görə, Naxçıvan polisinin keçirdiyi “Xaş-xaş-2024” şərti adlı kompleks əməliyyat-axtarış və profilaktik tədbirlər nəticəsində yabanı halda bitən narkotik tərkibli bitkilər aşkar olunub.
Ümumi çəkisi 14 tona yaxın olan 522 447 ədəd çətənə kolu yandırılıb.
Faktla bağlı araşdırmalar davam etdirilir.
![](https://static.report.az/photo/8e5171ac-df18-38bd-a892-fea29810ac79_300.jpg)
![](https://static.report.az/photo/bf5b9078-93cf-3cc8-ae31-43d97b708f90_300.jpg)