Naxçıvanda minik avtomobili yanıb

Naxçıvan Muxtar Respublikasında (MR) minik avtomobili yanıb.

"Report"un yerli bürosunun məlumatına görə, Naxçıvan MR Fövqəladə Hallar Nazirliyinin (FHN) “112” qaynar telefon xəttinə Babək rayonu Badaşkan kəndində "Toyota" markalı minik avtomobilində yanğın baş verməsi barədə məlumat daxil olub.

Hadisə yerinə dərhal Naxçıvan şəhər Dövlət Yanğından Mühafizə Hissəsinin qüvvələri cəlb edilib.

Yanğınsöndürənlərin müdaxiləsi sayəsində yanğının qarşısı alınaraq qısa müddətdə söndürülüb.

Hadisə zamanı xəsarət alan olmayıb.