Oğuz rayonunda apteklərdə və geyim mağazasında yanğın olub.
"Report"un Şimal-qərb bürosunun məlumatına görə, hadisə səhər saatlarında, Kərimli kəndində qeydə alınıb.
Belə ki, aptek, baytarlıq apteki və geyim mağazasının da daxil olduğu ümumi sahəsi 170 m² olan obyektdə yanğın zamanı aptek və içərisindəki dərman preparatlarının böyük hissəsi yanıb. Geyim mağazası və baytarlıq aptekinin tavan hissəsinə də ziyan dəyib.
Əraziyə FHN-in Oğuz Yanğından Mühafizə Hissəsinin yanğınsöndürən texnikası və şəxsi heyəti cəlb olunub və yanğın söndürülüb.
Hadisə zamanı xəsarət alan olmayıb.
Faktla bağlı araşdırma aparılır.
![](https://static.report.az/photo/e2b2437e-1365-35c7-bc5c-92b5050c2288_300.jpeg)
![](https://static.report.az/photo/a92444dc-9f8b-3b55-a41e-30f622ebd236_300.jpeg)
![](https://static.report.az/photo/792b8d11-9c0c-3bed-8083-802235a33053_300.jpeg)
![](https://static.report.az/photo/a531719c-6a86-370a-a20c-2420b074b24c_300.jpeg)
![](https://static.report.az/photo/1d25c330-b15b-3eaa-91bd-12ef8d56f4be_300.jpeg)
![](https://static.report.az/photo/b2c968fd-e2b3-3851-89e3-dec59b862a55_300.jpeg)
![](https://static.report.az/photo/61f0d3dd-d576-387e-93cf-a68dcf015493_300.jpeg)