Oğuz rayonunda yol qəzası baş verib, 2 nəfər xəsarət alıb.
"Report"un Şimal-qərb bürosunun məlumatına görə, hadisə Qaraməryəm-İsmayıllı-Şəki magistral yolunun rayonun Padar kəndi ərazisindən keçən hissəsində qeydə alınıb.
Belə ki, "Mercedes" və "VAZ-2107" markalı avtomobillərin toqquşması nəticəsində "VAZ-2107"də olan iki sərnişin - 1961-ci il təvəllüdlü Kəmalə Cabbar qızı Qaziyeva və 1998-ci il təvəllüdlü Şəlalə Cövdət qızı Rəsullu xəsarət alıblar. Yaralılar Oğuz Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
![](https://static.report.az/photo/ddfe034b-3b41-3fc3-8d48-9e1e21f8ea0d_300.jpg)
![](https://static.report.az/photo/c0670fca-f138-3fa7-bcd5-6dbf05511b1b_300.jpg)
![](https://static.report.az/photo/b37d5669-bbf5-3691-bde4-96bc75c6b231_300.jpg)
![](https://static.report.az/photo/9e91e36b-9067-3ee0-946a-c91063ba9da2_300.jpg)