Şamaxıda beş nəfərin xəsarət alması ilə nəticələnən yol-nəqliyyat hadisəsi baş verib.
"Report”un Yuxarı Şirvan bürosu xəbər verir ki, hadisə rayonun Göylər kəndi ərazisindən keçən hissəsində qeydə alınıb.
Hadisə zamanı "Mercedes" və "VAZ-2107" markalı avtomobillər toqquşub.
Nəticədə Bağırlı kənd sakini, 1960-cı il təvəllüdlü Alıyev Famil Cümşüd oğlu, Çaylı kənd sakini, 1961-ci il təvəllüdlü Baxışova Xoşqədəm Abbas qızı və Dağ Bağırlı kənd sakini, 1969-cu il təvəllüdlü Qəfərov Şəfaət Qəfər oğlu və daha iki nəfər yaralanıb.
Yaralılar Şamaxı Rayon Mərkəzi Xəstəxanasına yerləşdirilib.
Fakt araşdırılır.
![](https://static.report.az/photo/63feb26d-c34b-3c35-bb19-6253a344ca0f_300.jpg)
![](https://static.report.az/photo/1b035a38-601b-330f-8f20-0ae16649ab72_300.jpg)
![](https://static.report.az/photo/442f597d-b46d-31b2-864c-60de04f6ad2e_300.jpg)
![](https://static.report.az/photo/20324101-b614-3f9d-b2c3-2c66a9682c9e_300.jpg)
![](https://static.report.az/photo/9b271009-a9aa-35fb-b6e9-d2eefa0a7a40_300.jpg)