Tovuzda yol qəzasında 70 yaşlı qocanın beli sınıb

Tovuzda yol qəzasında 70 yaşlı qocanın beli sınıb.

"Report"un məlumatına görə, hadisə Əlibəyli kəndində qeydə alınıb. İki avtomobilin toqquşması nəticəsində sərnişin, 1952-ci il təvəllüdlü Quliyev Sadiq Tapdıq oğlu xəsarət alıb.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona bel fəqərəsinin sınığı diaqnozu qoyulub.

Hadisənin təfərrüatı araşdırılır.