Ucarda üç minik maşınının iştirakı ilə zəncirvari yol-nəqliyyat hadisəsi baş verib, yaralılar var.
"Report"un Yuxarı Şirvan bürosunun xəbərinə görə, hadisə bu gün axşam saatlarında rayonun Heydər Əliyev prospektində qeydə alınıb.
Rayonun Rəstəcə kənd sakini, 1973-cü il təvəllüdlü Bəxtiyar Kazım oğlu Kazımovun idarə etdiyi "VAZ-2104" markalı avtomobillə 2001-ci il təvəllüdlü Famil Səməd oğlu Rüstəmovun idarə etdiyi "Mercedes" markalı minik maşını və daha bir "Mercedes" toqquşub.
Nəticədə 3 nəfər xəsarət alıb.
Ucar Mərkəzi Rayon Xəstəxanasından bildirilib ki, yaralıların xəsarətləri yüngül olduğundan müayinədən sonra evə buraxılıblar.
Faktla bağlı araşdırma aparılır.
![](https://static.report.az/photo/21b573fc-e099-3bfd-a215-44dae1e4163e_300.jpeg)
![](https://static.report.az/photo/e950a88f-50be-366f-aaf5-0228e7d76504_300.jpeg)
![](https://static.report.az/photo/ef288dba-d2fe-3af0-aa11-d3f518a1c1e4_300.jpeg)
![](https://static.report.az/photo/169dbb1e-e3b6-3602-b595-2d91e7f1864c_300.jpeg)
![](https://static.report.az/photo/f2d02eac-cea2-3add-be50-a1e8b27c6072_300.jpeg)