Xaçmazın kəndində abonentlər qazsız qalıb

Xaçmaz rayonunun Bala Qusar kəndində abonentlər qazsız qalıb.

"Report"un Şimal bürosunun verdiyi məlumata görə, buna səbəb qaz xəttinin zədələnməsidir.

Belə ki, istismarda olan 57 millimetr diametrli qaz xəttinin qaz kranı qaz xəttinin dartınması nəticəsində yivli birləşməsindən qopub. Nəticədə 60 abonentin qaz təchizatında fasilə yaranıb.

Qəzanın sabah səhər saatlarında aradan qaldırılacağı bildirilir.