Xaçmazda avtomobil piyadanı vuraraq xəsarət yetirib

Xaçmazda xəsarətlə nəticələnən yol-nəqliyyat hadisəsi olub.

"Report"un Şimal bürosunun verdiyi məlumata görə, hadisə Xaçmaz şəhərində baş verib.

Belə ki, minik avtomobili rayonun Çaxçaxlı kənd sakini, 1988-ci il təvəllüdlü Rəhim Fuad oğlu Abasovu vurub.

Yaralı Xaçmaz Rayon Mərkəzi Xəstəxanasına yerləşdirilib, ona sağ baldır sümüyünün sınığı diaqnozu qoyulub.

Faktla bağlı araşdırma aparılır.