Yevlaxda bir ailənin 3 üzvü avtomobil qəzasına düşüb, onlardan biri ölüb - YENİLƏNİB

Yevlaxda avtomobil qəzasında xəsarət alan qadın dünyasını dəyişib.

"Report"un Qərb bürosunun məlumatına görə, Tanrıqulular kəndində avtomobilin hasara çırpılması nəticəsində ağır xəsarət alan 2003-cü il təvəllüdlü S.Nəsibova xəstəxanada dünyasını dəyişib.

Qeyd edək ki, qəzada onun həyat yoldaşı və oğlu da xəsarət alıb.

Faktla bağlı araşdırma aparılır.

Yevlax rayonunun Tanrıqulular kəndində avtomobil maneəyə çırpılıb, 3 nəfər xəsarət alıb.

"Report"un Qərb bürosunun məlumatına görə, qəza nəticəsində, sürücü 1992-ci il təvəllüdlü E.Nəsibov, onun həyat yoldaşı, 2003-cü il təvəllüdlü S.Nəsibova və 4 yaşlı oğlu xəsarət alıb.

Zərərçəkənlər xəstəxanaya çatdırılıb. S.Nəsibovanın vəziyyəti ağır qiymətləndirilir.

Faktla bağlı araşdırma aparılır.