Yevlaxda avtomobillər toqquşub, ölən və xəsarət alan var 

Yevlax-Bərdə yolunda ölümlə nəticələnən yol-nəqliyyat hadisəsi olub.

"Report"un Qərb bürosunun məlumatına görə, "VAZ" və "Toyota" markalı avtomobilləri toqquşub.

Qəza nəticəsində "VAZ"ın sürücüsü, 1978-ci il təvəllüdlü Zamin Rzayev ölüb. 1980-ci il təvəllüdlü Ş.Namazova isə xəsarət alaraq xəstəxanaya yerləşdirilib.

Faktla bağlı araşdırma aparılır.