Ötən gün axşamdan etibarən yağan güclü leysan yağışı nəticəsində Zaqatala rayonunun Muxax, Mamrıx, Lahıc və Bəhmətli kəndləri sel suları altında qalıb.
“Report”un Şimal-qərb bürosunun məlumatına görə, yağış suları adıçəkilən kəndlərin təsərrüfatlarına və həyətyanı sahələrinə dolub.
Güclü sel nəticəsində Yevlax-Zaqatala-Gürcüstan sərhədi magistral yolunun Lahıc və Bəhmətli kəndləri ərazisindən keçən hissəsində yol bağlanıb.
Güclü leysan əkin sahələrinə və yol təsərrüfatına xeyli ziyan vurub. Əraziyə aidiyyatı qurumların əməkdaşları cəlb olunub.
![](https://static.report.az/photo/0abf9947-0bd3-3396-ac62-9169ef840b84_300.jpg)
![](https://static.report.az/photo/e803cc0d-2cfb-3085-9e8a-7b449a8c7ad2_300.jpg)
![](https://static.report.az/photo/9487d830-1617-32aa-9967-47b2e0149c9e_300.jpg)
![](https://static.report.az/photo/9c05f88e-ee84-3390-bb91-aa53efb07562_300.jpg)
![](https://static.report.az/photo/708b004c-b891-3edb-9da1-98e9cd116467_300.jpg)
![](https://static.report.az/photo/45871069-0b9d-326c-8674-e0113870938c_300.jpg)