Azərbaycan hərbi dənizçiləri Türkiyədə təcrübə kursunu başa vurublar

Azərbaycan Hərbi Akademiyasının Hərbi Dənizçilik fakültəsini bitirən leytenantlar 27 sentyabr - 22 oktyabr 2021-ci il tarixlərində Türkiyədə keçirilən Hərbi Dəniz Qüvvələrinin freqatlarında hərbi dəniz təcrübə kursunu başa vurublar.

"Report"un xəbərinə görə, bu barədə Türkiyənin Milli Müdafiə Nazirliyi tviterdə məlumat yayıb.

Qeyd edək ki, Türkiyədə kursda iştirak edən Azərbaycan hərbi dənizçilərinin buraxılış mərasimi oktyabrın 20-də keçirilib.

Amfibiya Missiyası Qrupu Komandanlığında keçirilən kurslar sentyabrın 20-dən oktyabrın 15-dək davam edib. Kursu bitirənlərə Türkiyə Hərbi Dəniz Qüvvələri Komandanlığı tərəfindən sertifikat verilib.

Azerbaycan Harp Okulu Deniz Fakültesinden mezun olan teğmenler, 27 Eylül-22 Ekim 2021 tarihleri arasında Deniz Kuvvetlerimize ait fırkateynlerde donanma stajlarını tamamladı.#MSB #TSK pic.twitter.com/4VBvPdvuDY

— T.C. Millî Savunma Bakanlığı (@tcsavunma) October 24, 2021