Tbilisidə Azərbaycan, Türkiyə və Gürcüstanın birgə hərbi təlimi başlayıb

Tbilisidə keçirilən Gürcüstan, Azərbaycan və Türkiyənin iştirak etdiyi “Eternity-2021” kompüter dəstəkli komanda-qərargah təliminə 200-dən iştirakçı qatılıb.

“Report”un yerli bürosu xəbər verir ki, bu barədə Gürcüstan Müdafiə Nazirliyi məlumat yayıb.

Təlimə ilk dəfə olaraq Gürcüstan Daxili İşlər Nazirliyinin Strateji Boru Kəmərlərinin Mühafizəsi Departamentinin qrupu da qatılıb.

Təlimlərə Gürcüstan istehsallı “Didqori 1”, “Didqori 2” və “Didqori 3” zirehli maşınlar da ilk dəfə cəlb olunub.

Beynəlxalq təlim ssenarisi böhran dövründə Bakı-Tbilisi-Ceyhan neft kəmərinin təhlükəsizliyini təmin edən, həmçinin Azərbaycan, Türkiyə və Gürcüstan hərbi birləşmələri arasında qarşılıqlı əlaqəni yüksəldən sülhməramlı əməliyyatlara əsaslanır.

Gürcüstanın Tbilisi şəhərində Azərbaycan, Türkiyə və Gürcüstan hərbi qulluqçularının iştirakı ilə “Eternity-2021” kompüter dəstəkli komanda-qərargah təlimi başlayıb.

Bu barədə "Report"a Müdafiə Nazirliyindən məlumat verilib.

Nəzəri və praktiki hissədən ibarət olan təlimdə üç ölkənin hərbi qulluqçuları və aidiyyəti dövlət qurumlarının nümayəndələri regional iqtisadi layihələrin mühafizəsinin təşkili üzrə tapşırıqları icra edəcəklər.

Təlim oktyabrın 8-dək davam edəcək.