MN: "2023-cü ildə minatəmizləmə işləri plana uyğun olaraq davam etdiriləcək"

Müdafiə naziri general-polkovnik Zakir Həsənov işğaldan azad olunan ərazilərdə aparılan minatəmizləmə işləri barədə tapşırıq verib.

"Report"un xəbərinə görə, nazir tapşırığını yanvarın 14-də keçirdiyi müşavirədə çatdırıb.

Toplantıda Azərbaycan Silahlı Qüvvələrinin şəxsi heyətinə azad edilmiş ərazilərin mina və partlamamış döyüş sursatlarından təmizlənməsi məqsədilə görülən mühəndis tədbirlərinin 2023-cü ildə də plana uyğun olaraq müəyyən edilmiş istiqamətlər üzrə davam etdirilməsi tapşırılıb.

Qış tədris dövründə döyüş hazırlığının xüsusiyyətlərini müşavirə iştirakçılarının diqqətinə çatdıran müdafiə naziri qış aylarında, xüsusilə də dağlıq ərazilərdə dislokasiya olunan bölmələrin təminat məsələlərinin, o cümlədən təminat yollarının və rabitə-kommunikasiya xətlərinin daim işlək vəziyyətdə saxlanılmasının vacibliyini qeyd edib.