Polkovnik: “Əlillik dərəcəsinin verilməsi Müdafiə Nazirliyinin səlahiyyətində deyil”

“Əlillik dərəcəsinin verilməsi Müdafiə Nazirliyinin səlahiyyətində deyil”.

“Report” xəbər verir ki, bunu Silahlı Qüvvələrin Baş Klinik Hospitalının 2-ci Müalicə Korpusunun Tibbi Reabilitasiya bölməsində hərbi həkimlərin Vətən müharibəsi dövründə və işğaldan azad edilmiş ərazilərdə hazırkı fəaliyyəti ilə bağlı keçirilən brifinqdə Müdafiə Nazirliyinin Tibb Baş İdarəsinin rəisi vəzifəsini icra edən polkovnik Firudin Nəbiyev deyib.

“Bu məsələ Əmək və Əhalinin Sosial Müdafiəsi Nazirliyinin səlahiyyətində olan bir məsələdir. Qazilərimiz ora müraciət etməzdən öncə onların şəhadətləndirilməsi lazımdır. Bu, MN-in Mərkəzi Həkim Komissiyasında şəhadətləndirilir. Şəhadətnamə alandan sonra Forma-88 sistemə daxil edilir. Ondan sonra əlillik məsələlərinə ƏƏSMN-də baxılır”, - o əlavə edib.