Səlcuq Bayraqdar Azərbaycan hərbçilərinə zərbə PUA-ları ilə bağlı sertifikat verəcək

Bu gün zərbə tipli pilotsuz uçan aparatlarının təlimlərini bitirmiş Azərbaycan Ordusunun hərbçilərinə sertifikat təqdim ediləcək.

“Report” xəbər verir ki, bunu Türkiyənin “Bayraktar TB2” pilotsuz uçuş aparatının yaradıcısı, “Baykar Savunma” şirkətinin texniki direktoru, Türkiyə Prezidenti Rəcəb Tayyib Ərdoğanın kürəkəni Səlcuq Bayraqdar teleqram kanalında bildirib.

“Azərbaycan Silahlı Qüvvələrinin zərbə PUA-ları təlimlərini yekunlaşdırmış hərbçilərinə sertifikatları təqdim etmək üçün Zərbə PUA-sı Təlim Mərkəzinə gedirik”, - o vurğulayıb.