Müdafiə Nazirliyinin şəxsi heyəti İkinci Fəxri Xiyabanı ziyarət edib

Silahlı Qüvvələr Günü münasibəti ilə iyunun 25-də Müdafiə Nazirliyinin şəxsi heyəti İkinci Fəxri Xiyabanı ziyarət edib.

Bu barədə "Report"a Müdafiə Nazirliyindən məlumat verilib.

Azərbaycanın suverenliyinin, müstəqilliyinin qorunması və ərazi bütövlüyünün bərpası uğrunda şəhid olan qəhrəman Vətən övladlarının xatirəsi ehtiramla yad edilib, məzarları üzərinə gül dəstələri qoyulub.