“Bakı Teleqrafı”nın səhmdarlarının yığıncağı keçiriləcək

Aprelin 23-ü saat 11:00-da “Bakı Teleqrafı” ASC-nin səhmdarlarının növbəti ümumi yığıncağı keçiriləcək.

“Report” xəbər verir ki, yığıncaq Bakı şəhəri, Səbail rayonu, Üzeyr Hacıbəyov küçəsi, 36 (“Azərpoçt” MMC-nin inzibati binası) ünvanında olacaq.

Yığıncağın gündəliyinə şirkətin 2020-ci ilin yekunu üzrə maliyyə-təsərüffat fəaliyyətinin hesabatı, Müşahidə Şurasının üzvlərinin və sədrinin seçilməsi, İdarə heyəti üzvlərinin və sədrinin seçilməsi və digər məsələlər daxildir.