"Azərbaycan Dəmir Yolları" bu il rekord sayda sərnişin daşımağı planlaşdırır

Bu il "Azərbaycan Dəmir Yolları" (ADY) QSC-nin daşıdığı sərnişinlərin sayı rekord həddə çatacaq.

"Report" bu barədə səhmdar cəmiyyətinə istinadən xəbər verir.

"Sərnişindaşıma sahəsində aparılmış optimallaşdırma sayəsində cari ildə dəmir yolları ilə ölkə daxilində daşınan sərnişinlərin sayı 5,3 milyon nəfər təşkil edib. Hesablamalara görə, bu il ADY tarixində ilk dəfə olaraq sərnişinlərin sayı 6 milyon nəfəri keçəcək. Gələn il isə daşınan sərnişin sayının 7 milyondan çox olacağı proqnozlaşdırılır", - deyə qurum bəyan edib.