“Azərbaycan Dəmir Yolları”nın bir neçə şirkəti birləşdirilir, yeni şirkət yaradılır

“Azərbaycan Dəmir Yolları” QSC-yə (ADY) məxsus “Əsaslı Tikinti və Texniki Nəzarət” MMC yenidən təşkil olunur.

"Report" xəbər verir ki, buna səbəb səhmdar cəmiyyətinin 5 şirkətinin - "Dəmiryolservis", "5 saylı İxtisaslaşdırılmış Dəmir Yolu Müəssisəsi", "11 saylı İxtisaslaşdırılmış Dəmir Yolu Müəssisəsi", “ADY Servis” və "Əsaslı Təmir" MMC-lərin ləğv olunaraq 1-ciyə qoşulmasıdır.

Yenidən təşkil olunma başa çatdıqdan sonra şirkət “ADY Tikinti” adlandırılacaq.

ADY ilə bağlı daha bir yenilik isə quruma məxsus "Təsərrüfat idarəsi" MMC-nin də ləğv olunmasıdır.