Azərbaycanda üç faydalı qazıntı yatağı istifadəyə verilib

İqtisadiyyat Nazirliyinin Əmlak Məsələləri Dövlət Xidmətinin (ƏMDX) Hərracların Təşkili Mərkəzi ilə Ekologiya və Təbii Sərvətlər Nazirliyinin Dövlət Mineral Xammal Ehtiyatlarından İstifadə Agentliyinin birgə keçirdiyi hərrac nəticəsində Azərbaycanda üç faydalı qazıntı yatağı istifadəyə verilib.

"Report" bu barədə ƏMDX-ya istinadən xəbər verir.

Məlumata görə bunlar Balakəndəki “Təpəçöl” gil yatağının 1,6 hektar sahəsi, Goranboydakı “Qarasuçay” qum-çınqıl yatağının 8 hektar sahəsi və Daşkəsəndəki “Bayan” üzlük daşı yatağının 0,5 hektar sahəsidir.