Balakən rayonunun Qazbinə kəndinin yolu uzun illər təmir olunmadığından yararsız vəziyyətə düşüb və sakinlər üçün ciddi problemə çevrilib.
Bu barədə "Report"un Şimal-qərb bürosuna yerli sakinlər məlumat veriblər.
Onların sözlərinə görə, Yevlax-Zaqatala-Gürcüstan sərhədi magistralından Qazbinə kəndinə qədər olan 3 kilometrlik yol tamamilə dağılıb.
"Kənddə 1500 nəfərə yaxın sakin yaşayır. Sakinlər bu vaxta qədər bir dəfə də olsun yola asfalt örtüyünün çəkilmədiyini bildiriblər. Daşlı-kəsəkli olan yolda yaranan çalalar avtomobillərin hərəkətinə maneə yaradır. Yağış yağdıqda piyadalar palçıqlı yolda çətinliklə hərəkət edirlər. Qış aylarında isə kəndə gəliş-gediş mümkünsüz olur", - deyə sakinlər qeyd ediblər.
Qazbinə, Şambulbinə, Qaracabinə və Salban kəndlərinin daxil olduğu Mahamalar kənd bələdiyyəsinin sədri Kamal Beknalov "Report"un yerli bürosuna bildirib ki, kəndin ümumi daxili yollarının uzunluğu 8 kilometrdir: "Hər il kəndin 3 kilometrlik mərkəzi yoluna və daxili yollarına daş-çınqıl tökülür və texnika vasitəsi ilə hamarlanır. Lakin yağan yağışlar nəticəsində çınqıl qatı yuyulur. Bununla belə, bu il Qazbinə kəndi yolunun asfaltlanması layihəsinin icrası nəzərdə tutulub".
![](https://static.report.az/photo/a6f0573f-391c-3ca6-8f2c-e19c385073d4_300.jpg)
![](https://static.report.az/photo/7e717970-323f-3828-901b-2e87399de332_300.jpg)
![](https://static.report.az/photo/fd12c062-8d2d-35c8-a067-8a1d3be55acc_300.jpg)
![](https://static.report.az/photo/7bacad66-176b-3bc1-bc31-1956e36f1b0b_300.jpg)
![](https://static.report.az/photo/e6a1cb8f-9d3f-3fdc-a09c-db4dad933ed9_300.jpg)
![](https://static.report.az/photo/ca0df690-6de0-32f9-bfb8-00f9fb42986b_300.jpg)
![](https://static.report.az/photo/3ae7f464-ae4e-33d9-82c6-1ffbf3189569_300.jpg)
![](https://static.report.az/photo/ebb581b4-e6ee-33a8-b0e5-cbfb48a2727e_300.jpg)
![](https://static.report.az/photo/82b84d66-2696-359e-964f-95a4288e1499_300.jpg)