Son iki ayda Şuşa və Ağdama səfər edən sərnişinlərin sayı məlum olub

Son iki ayda Şuşa və Ağdama səfər edən sərnişinlərin sayı məlum olub.

Bu barədə "Report" Rəqəmsal İnkişaf və Nəqliyyat Nazirliyinə istinadən xəbər verir.
Məlumata görə, Nazirlik yanında Dövlət Avtomobil Nəqliyyatı Xidməti işğaldan azad olunmuş ərazilərə təşkil etdiyi müntəzəm avtobus marşrutları üzrə bu gün sayca 71-ci reysi həyata keçirib. Yanvarın 24-dən indiyədək Şuşa və Ağdam istiqaməti üzrə ümumilikdə 3 196 sərnişin səfər edib.
Vətəndaşların öz doğma torpaqlarına gediş-gəlişi uğurla təmin olunub.