Azərbaycan Basketbol Federasiyası məşhur idman statistika portalı ilə müqavilə imzalayıb

Məşhur idman statistika portalı "Sofascore" ilə Azərbaycan Basketbol Federasiyası (ABF) arasında müqavilə imzalanıb.

Bu barədə "Report"a ABF-nin mətbuat xidmətindən məlumat verilib.

"Sofascore" başda Azərbaycan Basketbol Liqasının (ABL) oyunları olmaqla, ölkə basketboluna aid bütün statistik göstəriciləri təqdim edəcək.

Bildirilib ki, aylıq 28 milyondan artıq istifadəçisi olan "Sofascore" şirkəti ilə imzalanmış sözləşmə Azərbaycan basketbolunun dünyada daha geniş kütlə tərəfindən tanınmasına xidmət göstərəcək.