Azərbaycanlı hakimlər Çempionlar Liqasının oyunlarına təyinat aldılar

Azərbaycanın beynəlxalq dərəcəli həndbol hakimləri Ernest və Emil Ağakişi qardaşları daha bir nüfuzlu yarışa təyinat alıblar.

"Report" xəbər verir ki, onlar qadın həndbolçular arasında Çempionlar Liqasının B qrupunda Rusiyanın MOİK və Xorvatiyanın “Podravka Vegeta” komandalarının görüşünə təyinat alıblar.

Moskvadakı "Dinamo" arenasında təşkil olunacaq ilk qarşılaşma yanvarın 31-də, cavab matçı isə fevralın 1-də oynanılacaq.

Qeyd edək ki, bu görüşlər ötən ilin noyabrında keçirilməli idi. Amma "Podravka Vegeta"nın həndbolçularından birində koronavirus aşkarlandığı üçün oyunlar təxirə salınmışdı.