Kevin Durant əfsanəvi basketbolçuların uğurunu təkrarlayıb

ABŞ millisinin və “Finiks” komandasının məşhur basketbolçusu Kevin Durant dörd əfsanəvi oyunçunun uğurunu təkrarlayıb.

"Report"un məlumatına görə, 36 yaşlı idmançı buna “Filadelfiya”ya qalib gəldikləri (118:116) qarşılaşmada nail olub.

O, görüşdə 35 xalla yadda qalıb. Beləliklə, Durantın karyerasında ən azı 25 xal topladığı matçların sayı 700 olub.

Daha əvvəl Lebron Ceyms (940), Karim Abdul-Cabbar (793), Karl Meloun (789) və Maykl Cordan (769) bu rəqəmə çata bilib.