"Qarabağ" 11-ci Azərbaycan çempionluğunu rəsmiləşdirib.
"Report"un məlumatına görə, bu, Premyer Liqanın XXVIII turuna təsadüf edib.
Ağdam təmsilçisi dördüncü - sonuncu dövrənin ilk turunda "Kəpəz"i darmadağın edib.
Tofiq Bəhramov adına Respublika stadionunda baş tutan matçda Julio Romao (21-ci dəqiqə), Olavio Juninyo (52, 56), Abbas Hüseynov (64), Elvin Cəfərquliyev (69) və Redon Cicanın (88) vurduğu qollar sayəsində 6:1 hesablı qələbə qazanan "köhlən atlar" 2023/2024 mövsümünün sonuna 8 tur qalmış xallarının sayını 69-a yüksəldərək rəqibləri üçün əlçatmaz olub.
"Kəpəz"in təsəlli qolunun müəllifi 90-cı dəqiqədə Latir Fal olub.
Bu həm də Qurban Qurbanovun "Qarabağ"da baş məşqçi kimi 10-cu çempionluğudur.
Qeyd edək ki, turun ilk oyununda "Neftçi" səfərdə "Qəbələ"ni 1:0 hesabı ilə məğlub edib. Digər qarşılaşmalar martın 30-31-də keçiriləcək.
![](https://static.report.az/photo/afc588f2-e2bd-382a-a67a-a89447d640a6_300.jpg)
![](https://static.report.az/photo/b744bf1a-f65e-3507-9526-df1f841dc051_300.jpg)
![](https://static.report.az/photo/ab174290-a132-3c1b-9a1a-2b5bbfe8d450_300.jpg)
![](https://static.report.az/photo/b43e37f5-0c37-36b5-a428-62f990433c42_300.jpg)
![](https://static.report.az/photo/b03e184d-6840-340b-bb04-d532e910b58c_300.jpg)
![](https://static.report.az/photo/52b58ef0-42d7-3ff6-8737-6797b5bf614a_300.jpg)
![](https://static.report.az/photo/c390ddd8-dd0f-32e2-8035-6467384914a8_300.jpg)