Tokio-2020: Paralimpiadada 100-dən çox insan koronavirusa yoluxub

Tokio-2020 Yay Paralimpiya Oyunlarında koronavirusa yoluxan şəxslərin sayı açıqlanıb.

"Report" yarışın Təşkilat Komitəsinin rəsmi saytına istinadən xəbər verir ki, indiyədək 101 nəfərin testi müsbət çıxıb, onlardan 67-si işçilərdir.

Təşkilatçılar infeksiya statistikasını avqustun 12-dən toplamağa başlayıb.

Qeyd edək ki, paralimpiada 24 avqust - 5 sentyabrda keçiriləcək. Azərbaycanın 36 idmançısı 9 idman növündə, 47 proqramda mübarizə aparacaq.