ABŞ dollarının möhkəmlənməsi fonunda qızıl ucuzlaşıb

Möhkəmlənən ABŞ dollarının təzyiqi altında qızılın dəyəri aşağı düşüb.

“Report” birjalara istinadən xəbər verir ki, Nyu-Yorkun “Comex” birjasında qızılın fevral fyuçersləri 0,3%, yaxud 5,45 ABŞ dolları ucuzlaşaraq, 1 unsiyası 1 800,25 ABŞ dollarına satılıb.

Qızıl bazarında mənfi dinamika müşahidə olunur. Buna ABŞ dollarının möhkəmlənməsi səbəb olub. ABŞ dollarının indeksi 0,07% artaraq, 96,13 bəndə çatıb.