“Binance” kriptobirjası Rusiyadan olan istifadəçilərin girişini məhdudlaşdıracaq

“Binance” kriptobirjası Rusiyada yaşayan və 10 min avrodan çox dəyərində aktivlərə malik istifadəçilərin xidmətlərdən istifadəsini məhdudlaşdıracaq. Bu meyarlara uyğun gələn müştərilər yalnız vəsaiti çıxarmaq funksiyasından istifadə edə biləcəklər.

“Report” RBK-ya istinadən xəbər verir ki, sözügedən məhdudiyyətin tətbiq olunacağı istifadəçilər ticarət edə və ya hesablarına əlavə vəsait yerləşdirə bilməyəcəklər.

Bununla belə, “Binance” hələlik Rusiyada fəaliyyətini dayandırmaq niyyətində deyil, lakin beynəlxalq ictimaiyyət tələb edərsə, sanskiyaları dəstəkləyəcək.