Milli inkişaf proritetlərinin həyata keçirilməsi üçün mənbələr axtarılır

"Azərbaycan 2030: sosial-iqtisadi inkişafa dair Milli Prioritetlərinin həyata keçirilməsi üçün layihə hazırlanıb".

“Report”un məlumatına görə, bunu bu gün Milli Məclisin İctimai birliklər və dini qurumlar, Elm və təsil, Ailə, qadın və uşaq məsələləri, Səhiyyə və Mədəniyyət komitələrinin birgə iclasında maliyyə naziri Samir Şərifov bildirib.

Onun sözlərinə görə, həmin strategiyanın reallaşdırılması da əlavə vəsaitlərin təmin edilməsini tələb edə bilər: “Biz bilirik ki, əlavə vəsaitlər yəqin ki, tələb ediləcək. Bu baxımdan ola bilsin ki, büdcəyə düzəlişlər ediləcək. Bu vəsaitlər hansı mənbələr hesabına ediləcək? Biz bu suallara cavab tapmalıyıq”.

Nazir bildirib ki, eyni zamanda, biz mənfur qonşumuzla münasibətdə müdafiə qabiliyyətimzi, təhlükəsizlik təminatımızı gücləndirməliyik: “Bu isə böyük xərclər tələb edir. Bunları təmin etmədiyimiz tədqirdə bizin inkişaf planlarımız təhdid altında ola bilər. İşğaldan azad edilən ərazilərin bərpa və yenidənqurulma işləri həyata keçirilir və bütün bunlar böyük xərclər tələb edir”.